دواين هەواڵ

خشته‌ و کاتی ياريی هه‌ڵبژارده‌ پاشکۆکان بۆ مۆنديال






وابڕياره‌ ڕۆژی هه‌ينی ڕێکه‌وتی 15 / 11 ياریی چوون به‌ڕیوه‌بچێت له‌ميانه‌ی ياريی هه‌ڵبژارده‌ پاشکۆکان بۆ سه‌رکه‌وتن بۆ مۆنديالی ساڵی ئاينده‌ که‌ له‌به‌ڕازيل به‌ڕێوه‌ده‌چێت، هه‌روه‌ها ياریی گه‌ڕانه‌وه‌ ڕۆژی سێ شه‌ممه‌ ڕێکه‌وتی 19 / 11 ئه‌نجام ده‌درێت.
 
ئايسله‌ندا  - کڕواتيا (کاتژمێر 10:00 ی شه‌و)
 
يۆنان - ڕۆمانيا  (کاتژمێر 10:45 ی شه‌و)
 
پۆرتوگال - سويد  (کاتژمێر 10:45 ی شه‌و)
 
ئۆکرانيا - فه‌ڕه‌نسا  (کاتژمێر 10:45 ی شه‌و)
زیاتربخوینه‌وه‌»

ریبێری:- خەڵکی فەڕەنسا مێسی و رۆناڵدۆ بە شیاوتر دەزانن بۆ تۆپی زێڕین




فرانک ریبێری ئەستێرەی تۆپی پێی فەڕەنسی یانەی بایەرن میونخ هەست دەکات خەڵکی ووڵاتەکەی مێسی و رۆناڵدۆیان لا شایستەترە بۆ بەدەستهێنانی تۆپی زێڕین نەک ئەو.
فرانک ریبێری تەمەن ٣٠ ساڵ یەکێکە لە پاڵێوراوە بەهێزەکان بۆ بەدەستهێنانی خەڵاتی باشترین یاریزانی جیهان بۆ ساڵی ٢٠١٣، دوای ئەو ئاستە بەزرەی ناوبرا لەگەڵ یانەی بایەرن میونخ پێشکەشی کرد، بەڵام ئەستێرە فەڕەنسیەکە ترسی ئەوەی هەیە تەنانەت ووڵاتەکەی خۆشی مێسی و رۆناڵدۆیان لا شایستەترە بۆ وەرگرتنی تۆپی زێڕین.
ریبێری لە چاوپێکەتنێکی لەگەڵ پێگەی لی ١٠ سپۆڕتی فەڕەنسی رایگەیاند ئەو هەست دەکات خەڵکی ووڵاتەکەی مێسی و رۆناڵدۆیان پێ باشترە بۆ وەرگرتنی تۆپی زێڕین، کاتێک گووتی "هەستەکەم خەڵکی فەڕەنسا مێسی و رۆناڵدیان لا شایستەترە بۆ وەرگرتنی تۆپی زێڕین، بەڵام نازانم لەبەر چی، من لە ساڵی ٢٠١٣ زۆر بەهێز بووم، من دەستکەوتی باشم هەبوو لەم ساڵە، ئەگەر دەستنیشان بکرێم وەک باشترین یاریزان، ئەوە شەرەفێکی گەورە دەبێت بۆ من و خانەوادەکەم".
زیاتربخوینه‌وه‌»

جیرارد پێكى : ئه‌گه‌رمیسى تۆپى ئاڵتونى به‌ده‌ست بهێنێت ته‌نها پێده‌كه‌نم





له‌ دیدارێكى تایبه‌ت له‌گه‌ڵ رۆژنامه‌ى مۆندۆدیپۆرتیڤۆ یاریزانى هێڵى به‌رگرى یانه‌ى به‌رشه‌لۆنه‌ سه‌باره‌ت به‌ پێكانى میسى و تۆپى ئاڵتونى ده‌لێت :
میسى به‌و پێیه‌ى له‌ چوار ساڵى رابردوو نازناوه‌كه‌ى بردۆته‌وه‌ و شایه‌نى ئه‌وه‌یه‌ ناوى له‌ قۆناغى كۆتاییدا ببینرێت وئه‌مساڵیش  كێبركێ به‌ده‌ست هێنانى بكات ، له‌گه‌ڵ ئه‌وه‌شدا ئه‌گه‌ر میسى تۆپى ئاڵتونى به‌ده‌ست بهێنێت ئه‌وا من ته‌نها به‌ده‌نگێكى به‌رز پێده‌كه‌نم به‌و هه‌ڵبژاردنه‌
سه‌باره‌ت پێكانه‌كه‌ى میسى ش بیكێ ووتى : هه‌مو یاریزانێك توشى پێكان ده‌بێت میسى بۆ به‌رشه‌لۆنه‌ رۆڵى زۆرى ده‌بێت له‌ بردنه‌وه‌كانى بۆیه‌ پێكان و دوركه‌وتنه‌وه‌ى ئه‌و یاریزانه‌ كار له‌سه‌ر ئه‌نجامه‌كانى یانه‌كه‌ ده‌كات .
زیاتربخوینه‌وه‌»

ئەنشلۆتی: ڕۆناڵدۆ باشترینە و شایستەی تۆپی ئاڵتونییە










کارلۆ ئەنشلۆتی ڕاهێنەری یانەی ریاڵ مەدرید هیچ گومانێکی نیە لەوەی کریستیانۆ ڕۆناڵدۆ باشترین یاریزانی جیهانە و پێویستە تۆپی ئاڵتونی بباتەوە.
ئەنشلۆتی سەبارەت بە کریس  بۆ  Onda Cero وتی ” بەبڕوای من بێ هیچ گومانێک ئێستا ئەو باشترین یاریزانی جیهانە،  گۆڵکاری خولی ئیسپانی و خولی پاڵەوانەکانەوە لەڕووی تەکنیکیشەوە یاریزانێکی نمونەییە بۆیە شایستەی تۆپی ئاڵتونیە. ئەو یاریزانێکی پیشەگەرە لە پێش یاری و کاتی یارییەکانیش. بۆ یەک خولەک لە مەشقەکان دوانەکەوێت چونکە خۆی نایەوێت بێ مەشق یاری بکات.
ئەنشلۆتی سەبارەت بە گاریس بەیڵیش وتی زۆر یاریزان توشی کێشەهاتوون کاتێک پەیوەندییان بە ریاڵ مەدریدەوە کردووە بەڵام دواتر توانیوییانە ببنە بەشێک لە مێژووی ئەو یانەیە . وتیشی پێی وایە ئەستێرە وێلزییەکە دەتوانێت هەمان ڕێباری ڕۆناڵدۆ بگرێتەبەر.
زیاتربخوینه‌وه‌»

گرنگی کاھوو (خاس) لەڕووی تەندروستییەوە










بەپێی لێکۆڵینەوەیەک کە تیمێکی ئیتاڵی ئەنجامیانداوە، دەرکەوتووە کە (کاھوو-خاس) سوودێکی زۆری بۆ مرۆڤ ھەیە،
بەڵام لەسەرووی ھەموویانەوە ئەوەیە کە کاھوو دەوڵەمەندە بە ماددەی (بیتاکارۆتین) کە دژە ئۆکسیدە و ئازارەکانی ریخۆڵە دەشکێنێت و نایھێڵێت..ھەروەھا کاھوو ھۆکارێکی کرایە لەپێناو مانەوەی ددانەکانی مرۆڤ بە باشی و پاک و خاوێنییەوە. جگە لەمانەش لێکۆڵینەوەکە ئاماژەی بەوەش کردووە کە کاھوو ڤیتامینەکانی (ئەی) و (بی یەک) و (سی) و (ئی) تێدایە و بڕێکی زۆریشی لە ئاو و ماددە کانزاییەکان تێدایە لە سەرووی ھەمووشیانەوە کالیسیۆم و فۆسفۆر و ئاسن.
زیاتربخوینه‌وه‌»

له‌دوای یاسر عه‌ره‌فات گومانی ژه‌هراوی کردنی بارزانیش هه‌یه‌










ئه‌وه‌ی خواره‌وه‌ ده‌قی پیشنیاری  (مسعود عبدالخالق)ـه‌ بۆ ساغ كردنه‌وه‌كی مێژوویی :

دوا جار زانایانی فیزیایی سویسرا ژه‌هراوی بوونی یاسر عه‌ره‌فاتیان ئاشکرا کرد ،هەق وایە ئێمەى کوردیش ئەو گومانە بە مردنى ناسروشتى مەلا مستەفاببەین لەسالى 1979،چونکە پیش مردنى بە چەند ڕۆژێکى کەم شۆرشى ئیران دژ بە شا سەرکەوتوو ببو ،هەوالى ڕووخانى شا زۆر ئومیدى بۆ کوردو بارزانى دروست کردبۆوە ،هەرچى ئەمریکاشە زۆر دلتەنگ ببو،لەوەش زیاتر خمینى لەوەلامى بروسکەى بارزانى داواى لیکردبوو ئەمریکا بەجیبهێلى بێتەوە ناوچەکە ،لەو سەرو بەندەو لەناکاو هەوالى مردنى بارزانى لە 1/3/1979 بلاو بوویەوە، ئەگینا بزوتنەوەى کوردایەتى جۆرە ڕەوت و واقعێکى ترى دەبوو جیا لە ئێستا، بەلگەیەکى ترى هەق بوونى ئەو گومانە ئەوەیە کاک مەسعود لە کاتى ناشتنى تەرمى بارزانى لە5/3/ 1979 لە ووتارى ماتەمینیەکەى ئەوەى درکاند و ووتى: مردنى بارزانى سروشتى نەبوو، بەڵکو بەدەستى ساواک و سیاى ئەمریکى بارزانى شەهید کرا...کەواتە بۆ ئیمەى کوردیش ئەو دۆسیە زیندوو نەکەینەوەوبەرپرسانى ئەو کاتى ئەمریکى نەدرێنە دادگاو هەمو ئەو تەرتیبە قانونیانەى دەکەوێتە سەریان .
زیاتربخوینه‌وه‌»

كرێكارانی خۆماڵی‌و بیانی خانه‌نشین ده‌كرێن












سه‌رجه‌م كرێكارانی خۆماڵی‌و بیانی له‌ هه‌رێمی كوردستان به‌ بریارێكی وه‌زاره‌تی كارو كاروباری كومه‌ڵایه‌تی حكومه‌تی هه‌رێمی كوردستان خانه‌نشین ده‌كرێن. ئه‌م بریاره‌ به‌شێك له‌ خاوه‌ن هۆتێل‌و چێشخانه‌كانی نیگه‌ران كردووه‌، به‌ هۆی ئه‌و بڕه‌ پاره‌ "زۆره‌ی"، كه‌ لێیان وه‌رده‌گیرێت بۆ خانه‌نشینی كردنی كرێكاره‌كانیان.
به‌بریاری ژماره‌ 15 ی سالی 2012 ی هه‌مواركردنی یاسای پیاده‌كردنی یاسای خانه‌نشینی‌و بیمه‌ی كۆمه‌ڵایه‌تی كرێكاران ، ژماره‌ 39ی سالی 1971 ی هه‌مواركراو له‌ هه‌رێمی كوردستان، كه‌ له‌ 1/7/2013 كه‌وته‌ بواری جێبه‌جێكردن، تێكرای كرێكار‌و كارگوزاران له‌ ده‌زگا‌و كۆمپانیاكانی كه‌رتی تایبه‌ت له‌ نێو هه‌رێمدا ده‌بێت خانه‌نشین بكرێن.
ئه‌مه‌ش نیگه‌رانی لای خاوه‌ن هوتێل‌و چێشخانه‌كان دروستكردووه‌‌و داواكارن له‌ حكومه‌ت چاوێك به‌م یاسایه‌دا بخشێندرێته‌وه‌ .
زیاتربخوینه‌وه‌»

بەرپرسانی تورکیا چەندجارێک کوردیان لە کۆبونەوەکان کردوەتەوە دەرەوە











به‌پێی‌ به‌ڵگه‌نامه‌یه‌ک، نێچیرڤان بارزانی‌ رێوشوێنی‌ گرتۆته‌به‌ر بۆ گه‌مارۆدانی‌ په‌که‌که‌و، هێزه‌کانی‌ پێشمه‌رگه‌ش هاوکاری‌ سوپای‌ تورکیای‌ کردووه‌ دژی‌ پارتی‌ کرێکارانی‌ کوردستان، هه‌روه‌ها تورکیا له‌هه‌ندێک کۆبونه‌وه‌دا به‌رپرسانی‌ هه‌رێمی کوردستانی‌ کردۆته‌ ده‌ره‌وه‌.

به‌پێی‌ به‌ڵگه‌نامه‌یه‌کی‌ نهێنی‌ پێگه‌ی‌ ویکیلیکس، که‌ ئاوێنه‌ بڵاویکردۆته‌وه‌ و مێژوه‌که‌ی‌ ده‌گه‌ڕێته‌وه‌ بۆ ساڵی‌ 2007، له‌زاری‌ وه‌زیری‌ ناوخۆی‌ هه‌رێمی‌ کوردستانه‌وه‌ رایده‌گه‌یه‌نێت که‌ نێچیرڤان بارزانی‌ سه‌رۆکی‌ حکومه‌ت کۆبونه‌وه‌ی‌ به‌ به‌رپرسانی‌ ئه‌منی‌ کردووه‌ و داوای‌ لێکردوون رێوشوێنی‌ ئه‌منی‌ توند دژی‌ پارتی‌ کرێکارانی‌ کوردستان بگرنه‌ به‌ر به‌مه‌به‌ستی‌ دابڕاندن و په‌راوێزخستنی‌ په‌که‌که‌.

هه‌ربه‌پێی‌ به‌ڵگه‌نامه‌که‌، ئه‌مه‌ریکا داوای‌ له‌ به‌رپرسانی‌ هه‌رێمی‌ کوردستان کردووه‌ هاوکاریان بکه‌ن دژی‌ په‌که‌که‌، له‌وه‌ڵامدا فوئاد حسێن سه‌رۆکی‌ دیوانی‌ سه‌رۆکایه‌تی‌ هه‌رێم پێی‌ راگه‌یاندون که‌له‌ساڵانی‌ نه‌وه‌ده‌کان پێشمه‌رگه‌ یارمه‌تی‌ سوپای‌ تورکیای‌ داوه‌ دژی‌ په‌که‌که‌ به‌ڵام سه‌رکه‌وتوو نه‌بووه‌.

هه‌روه‌ها ویکیلیکس ئاماژه‌ به‌وه‌ده‌کات فوئاد حسێن گلیه‌یی له‌ به‌رپرسانی‌ ئه‌وروپی کردووه‌ که‌ بۆچی ئه‌ندامانی‌ پارتی‌ کرێکارانی‌ کوردستان ده‌ستگیر ناکه‌ن ، له‌گه‌ڵ ئه‌وه‌شدا پێی‌ راگه‌یاندون که‌ تورکیا له‌هه‌ندێک کۆبونه‌وه‌دا به‌رپرسانی‌ کوردی‌ کردۆته‌ ده‌ره‌وه‌
زیاتربخوینه‌وه‌»

ناپۆلی گرێبه‌ستێكی نوێی ئیمزاكرد











یانه‌ی ناپۆلی له‌سه‌ر ماڵپه‌ڕی تایبه‌تی خۆی ئاشكرایكرد به‌شێوه‌یه‌كی فه‌رمیی گرێبه‌ستیان له‌گه‌ڵ (ئه‌نتۆنی ریڤێر) ی فه‌ڕه‌نسی و به‌رگریكاری یانه‌ی لیۆن-دا ئیمزاكردووه‌.

ریڤێر-ی ته‌مه‌ن 33 ساڵ به‌گرێبه‌ستێكی خۆڕایی (دوای كۆتایی هاتنی گرێبه‌سته‌كه‌ی له‌گه‌ڵ یانه‌ی لیۆن) رویكرده‌ یانه‌ی ناپۆلی و رۆژی هه‌ینی یه‌كه‌م مه‌شق و راهێنانی له‌گه‌ڵ یانه‌ نوێكه‌یدا ئه‌نجامداوه‌.

ئه‌نتۆنی ریڤێر ماوه‌ی 10 ساڵه‌ له‌یانه‌ی لیۆن یاریی ده‌كات و پێشتر له‌گه‌ڵ رافائێل بێنیتێزی راهێنه‌ر له‌یانه‌ی ڤالێنسیا پێكه‌وه‌بوون، پێش ئه‌وه‌ی له‌ساڵی 2003 دا رووبكاته‌ یانه‌ی لیۆن.
زیاتربخوینه‌وه‌»

وه‌زیرێكی سوریی: یه‌په‌گه‌ به‌شێكه‌ له‌ سوپای نیزامی سوریا









دكتۆر عه‌لی حه‌یده‌ر وه‌زیری ئاشتبونه‌وه‌ی نیشتیمانی سه‌ر به‌رژێمی سوریا رایگه‌یاند: هێزه‌كانی یه‌په‌گه‌ به‌شێكن له‌هێزی نیزامی سوپای سوریاو هه‌موو كاره‌كان به‌ته‌نسیق پێكه‌وه‌ ده‌كه‌ین و په‌یوه‌ندیه‌كانیان له‌گه‌ڵماندا له‌هه‌موو ئاسته‌كاندایه‌.
سه‌باره‌ت به‌ گرتنه‌وه‌ی خاڵی سنوری ته‌ل كۆچه‌ر (یه‌عروبیه‌) وه‌زیره‌كه‌ی رژێمی به‌عسی سوری رایگه‌یاند: گرتنه‌وه‌ی یه‌عروبیه‌ به‌ته‌نسیق وهاوكاری نێوان ئێمه‌و یه‌په‌گه‌ بوه‌و سه‌ركه‌وتنی هێزه‌كانی یه‌په‌گه‌ به‌سه‌ر هێزه‌ تیرۆریستیه‌ رادیكاڵه‌كاندا سه‌ركه‌وتنی هه‌موو گه‌لی سوریایه‌ .
زیاتربخوینه‌وه‌»